Tips for meir brannsikker bruk av alkoholhaldig desinfeksjonsvæske
Tenkjer du eller di bedrift over kvar ein plasserer og oppbevarer brannfarleg desinfeksjonsmiddel?
Brannfarleg desinfeksjonsvæske vert ofte plassert i nærleiken av anna brennbart materiale eller på ein måte som kan blokkere rømningsvegen om mange skal raskt ut samtidig. Foto: BSR AS
Etter covid-19 utbrotet har desinfeksjonsmiddel vorte tilgjengeleg nærast over alt. Men, mange er uvitande over brannfara dette kan medføre. Det anbefalast å plassere desinfeksjonsmiddel med minst 3 meter avstand frå brennbare materiale. Ved små behaldarar (maks 125 ml) kan avstanden reduserast.
Her er nokre tips for meir brannsikker bruk av alkoholhaldig desinfeksjonsvæske
- Ikkje plasser dispenser slik at rømmingsforholda vert forvanska
- Ha tiltak som kan hindre tenning og spreiing i rømmingsveg
- Ha tiltak som kan avdekkje at brann skjer, i og med at flammen i brennbar veske er «usynleg» i starten
- Ha tiltak/middel for å kunne slokke ein brann på kropp/hud
- Avklar kor mykje brennbar væske som er forsvarleg å lagre på den gitte staden
- Ikkje oppbevar væska i nærleiken av mogleg tennkjelde eller brennbare gjenstandar
- Ikkje lagre eller oppbevare brennbare materiale i nærleiken av væska
Vi oppmodar butikkar, institusjonar og andre som har plassert ut desinfeksjonsvæske om å vurdere brannrisikoen og om naudsynt iverksette tiltak for å minimere denne.
Les meir om brannfarlege desinfeksjonsmiddel på brennaktuelt.no
Kjelde: Brennaktuelt
Publisert 19.10.2020 15:40