Vassverket leverer vatn til abonnentar frå Rjånes til og med Ørsta sentrum, Hovdebygda, Melsbygda, Åmdal og Bondalseidet.
I Åmdal var det i delar av november avvik på kvaliteten på drikkevatnet frå Ørsta vassverk. Utover dette er det ingen prøver som indikerer noko avvik andre stader i forsyningsområdet denne hausten.
Jamfør Mattilsynet sine retningsliner må ein minimum ha 0,05mg/l restklor i vatnet for å ha desinfiserande effekt. Kloring kan i enkelte tilfelle gi noko smak og lukt på vatnet. Vatnet er likevel fullt ut trygt å nytte til matlaging og drikkevatn.
Kloring av vatnet vil halde fram til om lag 20. desember.