Bygginga av ny bussterminal i Ørsta starta i mars i år.
• Den gamle bussterminalen er rive og uteområdet er bygd opp på nytt.
• Ørsta kommune har investert i venterom med toalett som er tilrettelagt for alle brukarar. Bussterminalen har fått nye grøntområde, benkar, leskur og sykkelparkering under tak.
• Det er montert nye gatelys på bussterminalen og eit stykke langs E39.
• Nye løysingar for dei som går og syklar gjer det tryggare å kome seg til og frå bussen.
• Køyremønsteret er endra slik at trafikkbiletet skal bli meir oversiktlig for alle som brukar terminalen.
• Parkeringsplassar legg til rette for at folk kan parkere bilen og ta bussen vidare.
Kyss og køyr
- Vi har også lagt til rette for passasjerar kan bli køyrt trygt til og frå bussterminalen gjennom å bygge ei såkalla «kyss og køyr»-lomme for publikum. Det er ei korttidsparkering ved bussterminalen for å ta avskjed eller ynskje velkomen folk som kjem med bussen, fortel prosjektleiar Mats-André Lied i Statens vegvesen.
Program for opninga:
1100-1105: Velkommen v/ seksjonsleder Gitte Beiermann, Statens vegvesen
1105-1110: Gjennomføringa v/ dagleg leiar Eivind Berge i Aurvoll og Furesund, som er entreprenør for prosjektet
1110-1115: Kollektiv, v/Svein Ivar Aarskog, Møre og Romsdal fylkeskommune
1115-1125: Offisiell opning v/ordførar Stein Aam i Ørsta kommune
1125: Enkel servering.
Media er velkomne til opninga. Om de har spørsmål om prosjektet, kan de kontakte prosjektleiar Mats-André Lied i Statens vegvesen på telefon 99324020