Handlingsrettleiar(kva gjer eg?)

Samtykkeskjema (PDF, 292 kB)

4. Avklar uro

Avklar uro

Er det grunnlag for å gå vidare med det du er uroa for? Vurderer behovet for vidare oppfølging.

Om du er i tvil kan du diskutere uroa med din nærmaste leiar. Leiar kan kan og drøfte uroa med andre instansar som helsesjukepleiar, PPT og barnevern o.l. på NN-nivå (anonymisert).

Behov for vidare oppfølging: Gå til nivå 1

Ikkje grunnlag for vidare oppfølging:
Arkiver dokumentasjon som er loggført i eininga sitt arkivsystem med ei kort grunngiving på kvifor saka er lukka.

Verktøy

Den nødvendige samtalen (PDF, 156 kB)

5. Avslutt saka

Nivå 1: Tiltak i eiga teneste

1. Møte med barn/føresette

Det er den næraste leiaren sitt ansvar at dette blir utført.

Del uroa med barnet/ ungdommen /føresette og skap ei felles forståing. Inviter til møte med barnet/ungdommen/føresette der du deler dine observasjonar og di uro så snart som råd. Skap ei felles forståing kring situasjonen saman med barnet/ ungdommen/føresette. Avtal tiltak i heim og i aktuell teneste.

Dersom du gjennomfører samtalen med føresette:

Avklar kven som har ansvar for å informere barnet/ungdommen
Avtal korleis barnet/ungdommen blir informert
Avtal korleis barnet/ungdommen får høve til å uttale seg.

Dersom du gjennomfører samtalen med den unge

Informer føresette om samtalen om barnet er under 16 år. (NB: Unntak dersom det er mistake om vald eller overgrep)

Avtal tidspunkt for evalueringsmøte.

NB! Også på nivå 1 er det fullt mogleg å søkje råd og rettleiing hos andre tenester/avdelingar, utan at det vert oppretta eit formelt samarbeid med andre. Hugs då samtykke frå føresette/barnet dersom saka ikkje skal drøftast anonymt.

NB! Er pasienten eller brukaren mellom 12 og 16 år, skal informasjon ikkje givast til føresette eller andre som har foreldreansvaret når pasienten eller brukaren av grunnar som bør respekterast, ikkje ønsker dette. (Gjeld pasientar og brukarar som mottek tenester som er omfatta av helse- og omsorgstenestelova)

Verktøy

Sjekkliste BTI handlingsrettleiar (PDF, 171 kB)

Snakke med born

BTI-plakat (PDF, 217 kB)

2. Sett i verk tiltak

Sett i verk tiltak

Avtalte tiltak vert sette i verk og gjennomført på aktuell arenaer.

Dokumenter ved logg kva som vert gjort i eige fagsystem eller i kommunen sitt arkivsystem.

Førebu evalueringsmøte. Hugs at barnet har rett til å seie si meining i alt som handlar om det, og at barnet sine meiningar skal leggast vekt på. Avklar kven som har ansvar for å snakke med barnet/ungdommen i forkant av evalueringa, for å få vedkomande si eiga oppleving av endring.

3. Evalueringsmøte - avklar vegen vidare

Evalueringsmøte og avgjerd om vegen vidare

Gjennomfør evalueringsmøte der alle involverte partar drøftar i kva grad tiltaka har ført til at barnet/ungdommen sin situasjon har endra seg. Få med barnet si oppleving av endring.

På bakgrunn av evalueringa de har gjort, fatt ei avgjerd om vegen vidare.

Dokumenter ved logg evalueringa i eigne fagsystem. Referat frå møtet skal delast med alle deltakarar.

Det er tre moglege utfall av evalueringa:

Tiltak har hatt ønska effekt, det er ikkje lenger grunn til å uro. Avslutt saka.

Tiltak har noko effekt. Vurder å halde fram tiltak og/eller sett i verk andre tiltak i eiga teneste.

Tiltak har ikkje tilstrekkeleg effekt. Det er behov for tiltak frå eksterne tenester.

Avgjer aktuelle samarbeidspartnarar og opprett kontakt med desse innan to veker.
Vurder om barnet/ungdommen skal ta del på møte.
- NB! Barnet har rett til å seie si meining i alt som handlar om det, og barnet sine meiningar skal leggast vekt på.
Hugs samtykke frå føresette eller ungdommen.

Støtte til avklaring i samhandlingsforløpa til Barn og unges helseteneste

Barn og unges helseteneste har i samarbeid med kommunane i Møre og Romsdal laga sju samhandlingsforløp for dei vanlegaste psykiske plagene hjå born og unge.

Lurer du på om barnet eller den unge kan vere i eit av desse forløpa lista opp under?

Trykk for å lese meir detaljert informasjon. Forløpa fungerer som eit kart over tenestene og skal gi brukarar og fagpersonar betre oversikt over ansvarsområder og roller.

Verktøy

Nivå 2: Samarbeid med fleire

1. Samarbeidsmøte

Leiar ved den tenesta som tek saka vidare til nivå 2 har ansvar for møteinnkalling, møteleiing og skal avklare kven som er referent på første møtet.

Før møtet

Hent inn samtykke frå føresette eller ungdommen og kall inn aktuelle hjelpeinstansar til eit samarbeidsmøte. Trykk her for å sjå ei liste over aktuelle samarbeidspartar.

Kvart møte skal ha ein møteleiar og ein referent. Kvart møte skal ha eit kort referat som vert sendt til alle møtedeltakarane.

Barnet/ungdommen si meining om saka og aktuelle tiltak skal leggast vekt på. Avklar kven som har ansvar for å snakke med barnet/ungdommen i i forkant og i etterkant av møtet om barnet/ungdommen deltek eller ikkje.

Samarbeidsmøte

Mål for møtet: At barnet/ungdommmen/føresette og involverte tenester koordinerer innsatsen slik at alle arbeider etter felles målsettingar og er kjent med kvarandre sin innsats.

Presenter saka og skap ei felles forståing av situasjonen i lag med barnet/ungdommen/føresette. Avgjer kven som har ansvar for vidare oppfølging og ansvar for møteinnkalling, møteleiing og referat.

Når saka er presentert for dei som deltek på samarbeidsmøte, er neste punkt å planlegge aktuelle tiltak.

Dokumenter tiltaka i eigne fagsystem for kvar teneste. Hugs å få med kven som har ansvar for kvart einskild tiltak og evalueringa av tiltaka.

Referat frå møtet skal delast med alle deltakarar.

Til slutt i samarbeidsmøte avtalar de tidspunkt for evalueringsmøte.

Verktøy

2. Sett i verk tiltak

3. Evalueringsmøte og avklar vegen vidare

Evalueringsmøte

Gjennomfør evalueringsmøte der alle involverte partar drøftar i kva grad tiltaka har ført til at barnet/ungdommen sin situasjon har endra seg.

Få med barnet si oppleving av endring.

Dokumenter ved logg evalueringa i eigne fagsystem. Referat frå møtet skal delast med alle deltakarar.

På bakgrunn av evalueringa som er gjort, fatt ei avgjerd om vegen vidare.

Det er tre moglege utfall av evalueringa:

1. Tiltak har hatt ønska effekt, det er lenger ikkje grunn til å uroa seg.

-Avslutt saka.

2.Tiltak har noko effekt. Vurder å halde fram tiltak og/eller sett i verk andre tiltak i eiga teneste.

3. Tiltak har ikkje gitt ønska effekt. Det er behov for tiltak frå fleire teneste.

Bestem aktuelle samarbeidspartar, lag tilvising/melding til desse og kall inn til møte på nivå 3 innan to veker. Hugs nytt og utvida samtykke frå føresette eller ungdommen til å involvere nye samarbeidspartar.
Vurder om barnet/ungdommen skal ta del på møte.
- NB! Barnet har rett til å seie si meining i alt som handlar om det, og barnet sine meiningar skal leggast vekt på.

Verktøy

Førebuing og gjennomføring av møte (PDF, 142 kB)

Nivå 3: Langvarig tverrfagleg samarbeid

1. Det første koordineringsmøte

Etabler kontakt mellom relevante tenester

Leiar ved den tenesta som tek saka vidare til nivå 3, står for møteinnkalling, møteleiing og møtereferat i første møtet. Trykk her for å sjå ei liste over aktuelle samarbeidspartar.

NB! Hugs å snakk med barnet/ungdommen i forkant av første møtet. Dette har leiar ved tenesta som tek saka vidare til nivå 3 ansvar for at blir gjennomført.

Sakliste for det første møtet

Tenesta som løfta saka til nivå 3 og barnet/ungdommen/føresette presenterer problemstillinga for dei andre tenestene
Barnet/ungdommen/føresette lagar eit eller fleire mål/delmål i samarbeid med tenestene
Planlegg tiltak ut i frå mål/delmål som er laga, med tydeleg ansvarsfordeling for gjennomføringa av tiltaka
Avklar kven som har ansvar for å snakke med barnet/ungdommen i etterkant av møtet om barnet/ungdommen ikkje deltek.
Avtal dato og tid for neste koordineringsmøte

Vurdere dette i første møtet

Behov for koordinator eller barnekoordinator må vurderast. Trykk her for å lese meir om koordinator, barnekoordinator og samordningsplikta. Her finn du også søknadsskjema.
Ved tildeling av koordinator, vil koordinatoren ha ansvar for koordinering av tenestetilbodet. Dersom det ikkje blir oppretta koordinator og ev. fram til det blir utnemnt koordinator, har tenestene ansvar for å samordne tenestetilbodet (samordningsplikta).
Bruk samhandlingsverktøyet Visma Flyt Samspel til individuell plan for å samarbeide og dokumentere på nivå 3 - langvarig koordinert samarbeid.
Ein kan vurdere å bruke Visma Flyt Samspel også til å samordne tenestetilbodet utan individuell plan. Vurder om dette er eit nyttig samhandlingsverktøy for dykkar sak.
Utfyllande informasjon om det å vere koordinator og bruk av Visma Flyt Samspel finn ein i Koordinatorhandboka. Trykk her for å lese Koordinatorhandboka

Verktøy

2. Sett i verk koordinerte tiltak

3. Evaluering og avklaring av vegen vidare.

Neste koordineringsmøte

Evaluer den tverrfaglege innsatsen og om barnet/ungdommen sin situasjon har endra seg som følgje av dei koordinerte tiltaka.

Barnet/ungdommen og føresette si oppleving skal vere ein del av evalueringa. Barnet/ungdommen sine meiningar skal leggast vekt på.

På bakgrunn av evalueringa de har gjort, fatt ei avgjerd om vegen vidare.

Det er to moglege utfall av evaluering

1. Dei koordinerte tiltaka har ikkje gitt ønska effekt.

Hald fram med det koordinerte samarbeidet for å nå måla ein har sett, men vurder nye/justerte tiltak og evt. nye samarbeidspartar for å nå målet.
Avtal neste koordineringsmøte.

2. Tiltaka har hatt ønska effekt.

Vurder om saka kan avsluttast eller om ein må halde fram med tiltaka over ei lengre periode for å nå alle måla.
Om behov, avtal neste koordineringsmøte.

Verktøy