Pårørandeskule Andrea Piacquadio, Pexels Volda og Ørsta kommunar tilbyr i samarbeid med demensforeiningane i Hornindal, Volda og Ørsta pårørandeskule for pårørande eller andre nære til personar med demens.Kurstilbodet er primært retta mot pårørande til heimebuande personar med demens.Målsetjingane med denne kursrekka er mellom anna å gi pårørande auka kunnskap om demenssjukdomar og metodar for samhandling som kan bidra til å auke kvaliteten på samværet. I tillegg får ein auka kunnskap om rettar og tenesteapparatet og får møte andre pårørande som er i tilsvarande situasjon. Tid og stadKursstad hausten 2023 er Ørsta Røde Kors sine lokale i Strandgata 21 i Ørsta.Kurset går over fire påfølgjande tysdagskveldar kl 18-21 frå og med veke 42.Kvar samling har faglege innlegg og tid til samtalar og spørsmål. Det vert også pause med kaffi og enkel servering. Det er gratis å delta på kurset.Fristen for påmelding gjekk ut 12. oktoberDersom det blir vanskelig å kome frå for å delta, kan du ta kontakt med teamet i din kommune:Volda hukommelsesteam: 90 82 26 27Ørsta demensteam: 91 11 35 78Ved spørsmål til sjølve kurset kontakt: Bodil Skare på telefon 95 90 64 93 Publisert 15.09.2023 11:22 Sist endra 13.10.2023 13:59