Kart og oppmåling

Dei tilsette har som hovudoppgåve:

• Å utføre oppmålingsforretningar etter matrikkellova
• Har ansvar for kommunen sitt kartverk, inklusive grunnkart og vatn- og avløpskart

Kart- og oppmålingstenesta er ein nøytral instans der næringslivet, offentlege organ og privatpersoner kan få rettleiing for dei fleste oppmålingsarbeid og spørsmål. Etter nødvendig rekvisisjon for oppmåling, eventuelt frådeling m.v., gjer ein den naudsynte formelle behandlinga etter plan- og bygningslova, held oppmålingsforretning og registrerer ny eigedom.

Kommunen har gjort tilgjengeleg grunnkart, flyfoto, ledige tomter og reguleringskart i denne kartportalen.

Kontakt oss
Ta kontakt om du lurer på noko i samband med vatn- og avløpskart, adresser, gatenamn, stadnamn, husnummer, areal, eigarar, frådeling, bortfeste av tomt, grensepåvisning, gards- og bruksnummer, eigedomskart og matrikkelbrev.

Kontaktinformasjon

Plan og miljø

Plan- og miljøavdelinga har det daglege arbeidet med planane i kommunen

Kommunen har ansvaret for utvikling av den fysiske, sosiale, estetiske og kulturelle utviklinga gjennom planlegging. Kommuneplanen sin samfunnsdel skal omhandle kommunen sine mål og strategiar som samfunn og organisasjon. Kommuneplanen sin arealdel gir føringar for arealbruk, vern og utforming av areal og fysiske omgjevnadar. Reguleringsplanar fastset den lovlige arealbruken for eit avgrensa område. Kommunen kan utarbeide områdereguleringsplanar eller detaljreguleringsplanar. Private kan også fremje forslag om detaljreguleringsplanar for kommunen.