Svendsengarden kring 1870-1880. Knud Knudsen, Marcus-arkiv UiB

År 1867

Webjørn Svendsen d.y. førte opp Svendsen-låna i 1867. Dette er eit av dei første husa i sveitsarstil på Sunnmøre. Huset er eit tidleg døme på ferdighus, prefabrikert av firmaet Thams i Trøndelag.

Svendsen-låna og Svendsengarden husa mange av dei funksjonane som var grunnleggande for framveksten av tettstaden på slutten av 1800-talet. I tillegg til gardsdrifta og handelsverksemda, som var utgangspunktet for Svendsengarden, var her også til ulike tider post og dampskipsekspedisjon, bank og hotell.

Svendsengarden er vurdert som eit kulturminne av regional verdi og vart vald som tusenårsstaden til Ørsta kommune i 2000.