E39 Ørstafjordkryssinga

E39 Ørstafjordkryssinga

Arbeidet med ei fjordkryssing i Ørstafjorden, planlagt som ny E39 og som leier trafikken utanfor Ørsta sentrum, har vore arbeidd med lenge. Målet er ny vegtrase for E39 frå Furene via sørsida av Ørstafjorden og ei kryssing av Ørstafjorden med tunnell eller bru løysing.  

Siste nytt

11.04.2025 Referat frå møtet i arbeidsgruppa 
 

12.02.2025 Referat frå møtet i arbeidsgruppa 
 

12.02.2025 Referat frå møtet i arbeidsgruppa

10.12.2024 Svar frå Statens Vegvesen 
Her er svaret frå Statens Vegvesen på oversendinga av planprogrammet frå Ørsta kommune. 

20.11.2024 Brev frå ordførar til Stortinget
Ordførar Per Are Sørheim sende 20.november brev til medlemmane i transportkomiteen på Stortinget om E39 Ørstafjordkryssinga. Her kan du lese e-posten.

01.11.2024 Oversending av planprogram til Statens vegvesen og møte i arbeidsgruppa

20.09.24 Referat frå møtet i arbeidsgruppa 
Arbeidsgruppa for E39 Ørstafjordkryssing hadde møte 20. september.

Les referatet frå møtet 20. september 2024

09.09.2024 Møte med SVV på Volda Campus
Sjå presentasjonen til ordføraren.
 

02.08.2024 Referat frå møtet i arbeidsgruppa 
E39 Ørstafjordkryssinga vart ikkje prioritert i Nasjonaltransportplan (NTP) då den vart vedtatt på Stortinget torsdag 20. juni. Voldatunnelen, Strynefjellet og Vegsundkrysset er prosjekta som er nemnt i planen frå vårt område. Det er god grunn til å tru at desse prosjekta vil verte realisert innan planperioden på  12 år. 

Om eit par år startar ny revisjon av Nasjonal Transportplan.  Det politiske påverknadsarbeidet må difor styrkast fram mot den prosessen. Målsettinga er å få realisert ei omlegging av E39  og ei kryssing av Ørstafjorden rett etter at Voldatunnelen er bygt.  

Les referatet frå møtet 20. juni i arbeidsgruppa

06.06.2024 Møte med SVV og Gode vegar
Det har vore møter (11. mai og 06. juni) med SVV og Gode Vegar der både Voldatunnelen, Strynefjellet, bru over Nordfjorden og Ørstafjord-kryssinga har vore tema. Det er prioriteringane i NTP og den vidare planlegging av prosjekta som har vorte drøfta.

Europavei 39 - Klikk for stort bileteEuropavei 39

11.04.2024 Møte med Statens Vegvesen om E39 Ørstafjordkryssing 11. april 2024
Formålet med møtet er å få oppdatert informasjon om dei ulike tekniske målingane som er utførte dei siste åra i området Sulafjorden og Vartdalsfjorden. Desse er endå ikkje offentleggjorte, men ligg til kvalitetssjekk i Vegdirektoratet. Signala i nyleg offentleggjort Nasjonal Transportplan (NTP) 2025-36 for ferjefri E39 og strekninga Volda-Vegsund (Ørstafjordkryssing, Vartdalsfjordkryssing, Hafast) er skuffande.  Les heile referatet under informasjon - referat, nedst på denne sida. 

Tidlegare hendingar
16.04.2024 Ørstafjordkryssing med i ekstrasak – høyringsuttale NTP
26.03.2024 Svar på brev om planlegging av Ørstafjordkryssing, E39 Volda–Ålesund.
20.02.2024 Saksframlegg Ørsta formannskap - Framdrift E39 Ørstafjordkryssing
30.11.2023 Referat frå møtet i arbeidsgruppa Ørstafjordkryssing.
29.09.2023 Ope brev til Ørsta kommunestyre 
02.06.2023 Høyringsinnspel til Ørsta formannskap - Nasjonal transportplan 2025–2036

 Informasjon

Kva er Ørstafjordkryssing?
Referat
Planprogram
Arbeidsgruppe
Historikk