Kulturprisen 2020 til Sverre Sørdal
Kulturprisen 2020 gjekk til Sverre Sørdal. Foto: Maria Engeseth
I kommunestyremøtet i dag, vart Kulturprisen 2020 utdelt med diplom og 20.000 kr. Kulturprisen for Ørsta kommune vart tildelt Sverre Sørdal med følgjande grunngjeving:
Sverre Sørdal har i mange år vore ein entusiast og pådrivar som med ein uvanleg innsatsvilje har skapt musikkglede og godt miljø i lokalsamfunnet.
Han har i lengre periodar vore dirigent for Vartdalsstranda Skulekorps og Ørsta Hornmusikk. Som dirigent har han vist kva ein entusiastisk og målretta dirigent betyr, – i seinare år også for Ungdomssymfoniorkesteret til kulturskulane i Ørsta og Volda. Sverre Sørdal var også rektor for Ørsta kulturskule i 1976–86.
Ørsta kommune vil verdsetje og heidre denne innsatsen med tildeling av kulturprisen i 2020.
Takk for innsatsen og gratulerer med kulturprisen 2020.
Publisert 15.12.2020 14:30