Kommunen er svært nøgd med Sæbø skule og barnehage, seier ordførar Stein Aam. – Vi er i gang med å planlegge bygginga av den nye vidaregåande skulen i Ørsta, og eg ønsker sterkt at vi får til eit prosjekt som nyttar tilsvarande materialar som det er gjort på Sæbø.
KLIMASNUprisen som delast ut av Stasforvaltaren, er med til å påverke kommunar og næring til å tenke over i meir klimavennlege løysingar som gir minst mogleg CO₂ utslepp.
Samarbeid med fagfolk og ekspertise
Frank Flusund er prosjektleiar for Sæbø skule og barnehage. – Bygget er ført opp i massivt tre, og her er det geografiske utfordringar som verkar inn, seier Flusund. Skulen står i foten av eit skredområde, og bygninga må sikrast slik at den ikkje vert tatt av fonnvind eller av anna materiale som kjem flygande saman i eit stort skred. I forprosjektet måtte vi finne ut om det var mogleg å bygge i tre når naturkreftene er så store. Med god hjelp og tett samarbeid med fagfolk og annan ekspertise i massiv tre, var vi glade for å kome fram til at det miljøvennlege naturmateriale er godt nok dersom bare konstruerer dette på riktig måte. Det finnes også gode støtteordningar for å bygge med klimavenleg mareriale, så det er å håpe at Ørsta og andre kommunar kan hauste erfaringane vi har gjort oss til bruk i andre prosjekt.
Solid utan betong og stål
– Vi er eitt av prosjekta som er nominert til prisen fordi vi no held på å bygge ein skule og barnehage av klimavennlege materiale, seier Flusund. – Dette er eit unikt prosjekt som beviser at vi ikkje treng solide betong- og stålkonstruksjonar som avgir høgt CO₂-avtrykk, men at det går ann nytte klimavennlege tremateriale til konstruksjonsvirke, og vi sparer dermed ca 180 tonn CO₂-utslepp gjennom byggets levetid med å velje trematriale. I tillegg får vi ein ny skule og barnehage med eit godt innemiljø.
I tillegg til Sæbø skule og barnehage er dei nominerte ein bonde som driv svært miljøvennleg på Averøy, og ein grønsaksgartnar i Molde som driv fram salatar utan å bruke jord, men lar plantane vekse i vatn.
Les meir om KLIMASNUprisen