Ørsta kommune har tilsett ny økonomileiar
Vi har gleda av å meddele at Jan Inge Bueide har takka ja til stillinga som økonomileiar i Ørsta kommune. Bueide kjem i frå stilling som bedriftsrådgjevar hos Visma Services Norge As.
Bueide har formell utdanning i bedriftsøkonomi, løns- og personalarbeid og er autorisert rekneskapsførar . Han har brei erfaring som rekneskapsmedarbeidar og bedriftsrådgjevar. Han har mellom anna tidlegare vore økonomi og systemansvarleg for Møre Auto AS i mange år.
Ørsta kommune ser fram til å få Bueide med på laget, og har stor tru på at han vil verte ein ressurs i arbeidet med å vidareutvikle kommunen vår.
Saman mot nye høgder!
Publisert 26.08.2016 15:18