Endring i drift for Aktivitetssenteret på Bakk-Ola-marka

Bakk-Ola-marka Ingvild Marie Taraldset

Aktivitetssenteret på Bakk-Ola-marka skal ikkje leggast ned, men får ei endring av driftsform. Dei tilsette på Aktivitetssenteret er tilknytt Furene AS og får nye oppgåver der.

Grunnlag: Ørsta kommunestyre vedtok 12. desember 2024 å endre organisering av drift av Aktivitetssenteret på Bakk-Ola-marka som ein del av Omstilling 2025

Furene AS og Ørsta kommune har over tid vore samde om at Furene går ut som samarbeidspartnar med å drifte Aktivitetssenteret, då behova når avtalen vart inngått er annleis enn framtidas behov. Ørsta kommune ønsker eit aktivitetssenter som ikkje berre er ope 4 timar på kvardagar, men også på kveld, helg og høgtid.

Samarbeidet mellom Ørsta kommune og Furene AS, i dagens form, opphøyrer 1. februar 2025. Ørsta kommune lyser ut etter prosjektmedarbeidar, og god medverkanadsprosess vert i regi av den rolla for å utvikle det framtidige aktivitetssenteret.

Periode utan normal drift

Konsekvensen av dette er at det i ei periode ikkje vert normaldrift, men noko mindre aktivitet til ein får på plass ein prosjektmedarbeidar som skal jobbe med “det nye aktivitetssenteret”.

I månadane februar og mars vil ein difor ikkje få tilgang til følgjande aktivitetar på Bakk-Ola-marka:

  • matservering
  • bingo
  • sangstund
  • matsal
  • sal av batteri

Ved endringar vil dette bli annonsert. 

Aktivitetar som går som normalt:

  • Demenskoret sine øvingar
  • fotpleie
  • frisør 

For dei som har gjort avtale om leige av lokale i perioden så vil dette gå som planlagt.

Spørsmål

Spørsmål om utleige og Aktivitetssenteret kan rettast på e-post til tenesteleiar Guro Bakke Liaskar.

– Vi håper no å bruke litt tid til å byggje eit tilbod som treff fleire av innbyggjarane i kommunen.

Audhild Mork, kommunalsjef helse, omsorg og velferd
Guro Bakke Liaskar, tenesteleiar bu og habilitering

Følg oss