Ørsta kommune sender normalt ut faktura for kommunale avgifter og eigedomsskatt fire gongar i året til dei som skal betale eit samla årleg beløp på over 6000 kr. Dei som har eit lågare årleg beløp vil normalt få faktura berre ein eller to gongar i året.
Dersom du ønskjer å endre kor ofte du får faktura for kommunale avgifter og eigedomsskatt kan du melde inn dette via digitalt skjema.
Endre fakturaintervall for kommunale avgifter og eigedomsskatt
Kva valalternativ har du?
- Dei som betalar eit samla årleg beløp på 3001 kr eller meir kan velje å motta faktura 1, 2, 4, 6, eller 12 gongar i året.
- Dei som betalar eit samla årleg beløp frå 2001 – 3000 kr kan velje å motta faktura 1, 2, 4, eller 6 gongar i året.
- Dei som betalar eit samla årleg beløp frå 1001 – 2000 kr kan velje å motta faktura 1, 2, eller 4 gongar i året.
- Dei som betalar eit samla årleg beløp frå 501 – 1000 kr kan velje å motta faktura 1 eller 2 gongar i året.
- Dei som betalar eit samla årleg beløp frå 1 – 500 kr mottek faktura 1 gong i året.
Månadleg faktura og faktura kvar andre månad føreset at du har avtale om avtalegiro eller e-faktura i nettbanken din med Ørsta kommune.
Endringa vil ikkje ha verknad på allereie utsende eller produserte fakturaer, men vil først verte gjort gjeldande frå neste kvartal.