Søk startlån / tilskot
Kan eg søkje tilskot?
Tilskot er ei behovsprøvd ordning, og vert i hovudsak tildelt personar som treng små eller store tilpassingar av bustaden for å bli buande. Alminneleg vedlikehald er ikkje innanfor rammene til tilskota. Målgruppa er eldre og personar med funksjonshemming og/eller sjukdom, som krev tilpassing av heimen. Kommunen sine ergoterapeutar vert nytta som faginstans for å kartlegge og vurdere endringstiltak.
Meir informasjon om tilskot på husbanken.no.
Kan eg søkje startlån?
Vanlegvis vert det stilt krav om eigenkapital til liks med vilkåra i andre bankar, men i særskilte saker kan kravet fråvikast. Det vert vurdert om du vil greie å handtere lånet ved sida av alle andre utgifter. Om du har lav inntekt kan startlånet ditt kombinerast med tilskot og/eller bustønad. Alle lån eller tilskot må kunne sikrast med pant i aktuell eigedom.
Det er ikkje likheitsteikn mellom å vere i målgruppa for startlån, og at du får det. Vi oppmodar likevel deg som er i målgruppa om å søkje, sjølv om vi ikkje kan sikre deg at du møter krava for å få startlån.
NB: Unge i etablerings-fasen er ikkje i målgruppa Er du ungdom og manglar eigenkapital, er du ikkje i målgruppa for startlån. Det er ein førestnad at du nyttar dine moglegheiter for å spare opp nødvendig eigenkapital og søkjer lån i vanleg bank.
Meir informasjon om startlån på husbanken.no.
Målgruppe:
| Barnefamiliar |
- Du har barn og har økonomiske utfordringar med å skaffe ein eigna bustad
- Du har behov for å sikre ein trygg, god og stabil busituasjon innan kort tid.
- Du har problemer med å dekke bustadsutgiftene, og refinansiering med startlån kan bidra til at familien din kan bli buande i bustaden.
|
| Mottek trygd/ offentlige ytingar |
- Du har lav, men stabil og sikker inntekt, og får ikkje tilstrekkelig lån i vanlege bankar.
- Du har høg nok inntekt til at du kan betjene eit startlån i tillegg til andre nødvendige utgifter.
|
| Lånetakar av bustad med gjelds-problem |
- Du har gjeld på bustad og annan gjeld med høg rente og står i fare for å miste bustaden ved tvangssalg.
- Du klarer ikkje å betjene noværande gjeld, men kan dekke utgiftene og behalde bustaden om låna vert refinansiert med startlån.
|
| Andre |
- Du har særlege sosiale eller helsemessige utfordringar, og mangler ein eigna bustad.
- Du har behov for å sikre ein trygg, god og stabil busituasjon innan kort tid.
- Startlån til kjøp eller refinansiering er nødvendig for å kunne oppretthalde ditt arbeidsforhold.
- Du har høg nok inntekt til at du kan betene eit startlån i tillegg til andre nødvendige utgifter.
|
Eige eller leige?
På sikt vil utgiftene knytt til bustad vere lågare om ein eig, enn når ein leiger. Dette skuldast mellom anna at norske skattereglar gjer det gunstig å eige bustad. Det vert anbefalt å legge eit langsiktig perspektiv til grunn ved kjøp av bustad med startlån. Ved usikkerheit knytt til framtidig inntektssituasjon og kor lenge det kan vere aktuelt å vere buande i bustaden, kan leige vere eit betre alternativ enn å kjøpe eige.
Klagefrist er 3 veker etter at du mottok vedtaket.
Ørsta kommune, Dalevegen 6, 6153 Ørsta