18:00 – 21:00 Onsdag hadde vaktlag 1 og 2 saman med røykdykkarane frå Vartdal sitt årlege varme røykdykk. Dette er eit krav for alle røykdykkarar at ein skal ha eit varmt røykdykk pr. år. Dette for å få kjenne på varmebelastninga og søke i varm røyk.
08:33 Onsdag morgon rykte Ørsta brann og redning ut til trafikkulukke i Åmdalen. Ein scooter hadde velta i Hovdenakken. På staden stoppa brannmannskapet trafikken og ambulansen tok seg av den forulukka. Personen vart køyrd til legevakta for kontroll.
11:15 Torsdag rykte Ørsta brann og redning ut til automatisk brannalarm frå Ørsta ungdomskule. Framme på staden kom det fram at det gjaldt brann i ein støvsugar i sløydsalen. Brannmannskapet lufta ut og tilbakestilte alarmen.
16:00-17:30 Fredag hadde vaktlag 1 kontroll av utstyr og bilar, samt øving på tau redning og sikring. Mange oppdragstypar krev eigensikring mot fall. Vi har derfor jamleg gjennomgang for at vi skal ha kontroll å dette.
18:56 Søndag rykte Ørsta brann og redning ut til utforkøyring på Bondalseidet. Det var slaps på vegen og ein bil hadde køyrt utfor vegen og hamna på sida i grøfta. Alle tre passasjerar var teke med til legevakta for sjekk. Brannmannskapa sperra området og fekk bilen på hjula att.