Veke 39: Nytt frå brannvakta


Brann- og redningsloggen 20.09.22 – 27.09.22

  • 08:19 Tysdag morgon rykte vaktlag 3 ut til automatisk brannalarm frå VØR Melsgjerdet. Alarmen skuldast varmgang i avfall ved lessing på lastebil. Skumanlegget var utløyst og brannmannskapet bistod med tilbakestilling av anlegget. Eigar var bedt om å ha kontakt med 110-sentralen under lessing og lossing av denne typen avfall for å unngå unødige alarmar.
  • 01:00 natt til Onsdag rykte vaktlag 3 og stasjon Vartdal ut til automatisk brannalarm frå Vartdal kyrkje. På staden vart bygget gjennomsøkt med varmesøkjande kamera. Utløyst ,meldar vart tilbakestilt. Ingen brann.
  • 19:29 Onsdag kveld rykte ØBR ut til akutt forureining på Ørstafjorden. ØBR si dronegruppe sendte opp drone for å få oversikt over forureininga og lettare kunne lokalisere kjelda. Frå drona var det avdekt at forureininga log over eit stort areal, men var ein svært tynn film på toppen av vatnet. Kjelda var lokalisert og eigar kontakta. Som håndregel seier miljødirektoratet at ein liter olje kan forurense en million liter vatn. Dette betyr at sjølv små mengder kan sjå dramatisk ut. Utsleppet har var ikkje aksjonerbart som følgje av den lava mengda. Fokuset vart derfor å stoppe utsleppet.
  • 14:51 Torsdag ettermiddag rykte vaktlag 3 ut til brannalarm frå Ørstahallen. På ved ut fekk ein beskjed frå staden at manuell meldar var inntrykt utan at der var nokon brann.
  • 20:20 Torsdag kveld rykte vaktlag 3 ut til automatisk brannalarm frå gamle meieribygget. Meldar utløyst i bomberommet i kjellar. Brannmannskapet søkte gjennom med varmekamera. Anlegg tilbakestilt og retur.
  • 20:57 Torsdag kveld rykte ØBR ut til ny automatisk brannalarm frå gamle meieribygget. Meldar utløyst igjen i bomberommet i kjellar. Brannmannskapet søkte gjennom med varmekamera og gassmålet utan funn. Arealet står tomt og har ingen openbare kjeldar. Meldar vart blåst rein og anlegg tilbakestilt.
  • 16:00 – 17:30 Fredag hadde vaktlag 4 kontroll av utstyr og bilar, samt bruk av skyvestige og gjennomgang av faremoment ved redning av dyr og  gårdsbrann.
Oljeutsleppet onsdag. Ørsta brann og redning
Publisert av Ingvild Marie Taraldset
Publisert 28.09.2022 08:50