18:00 – 20:00 Onsdag øvde vaktlag 1 og 2 på flyulykke på flyplassen saman med dei andre nødetatane og Avinor. Øvinga handla om eit fly som hadde styrtlanda på enda av rullebana. Fly til slike øvinga er dessverre vanskeleg å få tak i, så det vart nytta ein bil. Godt gjennomført øving av alle partar.
18:00 – 20:00 Torsdag øvde mannskapet på Sæbø brannstasjon på vassforsyning og røykdykking. Ved bygningsbrannar er det svært viktig at ein kjem så tidleg som råd i gang med livbergande søk, røykdykkardelen er ei tidskritisk oppgåve. I området er det få som har kommunalt eller privat vassverk med sløkkjevatn. Ein er då avhengig av å hente vatn frå elvar, vatn eller sjø.
17:00-19:00 Torsdag hadde mannskapet på Bjørke brannstasjon sambandsøving. Sambandet er eit viktig verktøy. Med ei god beskriving av situasjonen kan nødsentralane og nødetatar på veg til skadestad sørgjer for at hendinga får dei rette resursane så tidleg som råd.
16:00-18:00 Fredag øvde vaktlag 2 på røykdykking. Røykdykking er ei ferdigheit som er viktig at brannmannskapet trener gjevnleg på. Ein skal som oftast leite etter sakna personar eller sløkkje brann i område med dårleg eller ingen sikt. Ein er då avhengig av dei andre sansane.
17:00 – 18:00 Laurdag var Bjørnis på Moltustranda Mosjonsfestival. Bjørnis er opptatt av brannforebygging og var der for å sette fokus på brannforebygging i heimen.
Øving saman med politi, helse og Avinor på flyplassen.
Øving saman med politi, helse og Avinor på flyplassen.