Veke 2: Nytt frå brannvaktaBrann- og redningsloggen 09.01.24 – 16.01.2418:00 – 20:00 Onsdag øvde vaktlag 1 og 3 på røykdykking. Brannkonstablane gjennomførte søk etter sakna i røykfult miljø. Fokus på søksteknikk og kommunikasjon i røykdykkerlaget og ut til røykdykkerleiar.16:00 – 17:30 Fredag hadde vaktlag 2 kontroll av utstyr og bilar, samt øving på samband og pågåande livstrugande vald. I alle oppgåver brannvesenet utfører er samband viktig for å leie, strukturere og utføre arbeide på ein god måte. I denne øvinga vart det også tatt ein gjennomgang av felles nasjonal prosedyre for handtering av PLIVO hendingar og sikker søksmetode.17:11 Søndag rykte brannkonstablane på Vartdal ut til utforkøyring på Vartdal. På staden kjem det fram at bilen har havna på taket, gått gjennom veggen på eit naust og held på å velte ned i etasja under. Personen i bilen har komt seg ut og vart teke hand om. Brannkonstablane stoppar trafikken og sikra køyretøyet mot å velte ned i naustet. Bilen vert vinsja ut av naustet og snudd. Straumen vert tatt for å sikre mot brann. Politiet overtek skadestad til bergingsbil kom på staden.