Registrer deg som støttekontakt
Som støttekontakt får du vere med å bidra til at eit anna menneske får ei verdifull fritid. Du treng inga formell utdanning, men du må vere omgjengeleg og glad i å vere saman med andre menneske. Ofte er det ein fordel om du har sertifikat og disponerer bil, i andre tilfelle treng ein ikkje det.
Vi treng fleire støttekontakter
Ørsta kommune treng fleire støttekontakter. Omfanget varierar, men dei fleste treff støttekontakta si eit par timar i veka. Arbeidet let seg difor lett kombinere med anna jobb, studie/skule o.l. Menn blir spesielt oppfordra til å søke.
Du får rettleiing og vert løna som oppdragstakar av kommunen. Du vil få attest. Å vere støttekontakt er ei verdifull erfaring å ha på CV-en sin.
Den som treng støttekontakt har av ulike årsakar utfordringar med å delta på sosiale arenaer eller vere aktiv på fritida utan hjelp frå andre.
Aktivitetar som ei støttekontakt kan hjelpe med kan vere turar og trening, gå på biblioteket, besøke familie/vener, kafè, kino eller andre kulturarrangement.
Å ha ei støttekontakt kan hjelpe nokon meir enn du kan forestille deg! Ørsta Kommune ønsker også å tilby støttekontakt til fleire samtidig i gruppe.
Er DU interessert, ikkje nøl med å ta kontakt.