Utvida informasjon om søknadsprosess, opptak og tilbod
INSTRUMENTALUNDERVISNING OG SONG
Individuell instruksjon: 15-30 min., etter alder og behov.
Gruppeundervisning: 2-6 elevar pr. gruppe i 30-45 min.
TEATER/DRAMA
Gruppetilbod: 10-12 elevar i 60 min. Anna fordeling om dette vert vurdert som formålstenleg.
VISUELL KUNST
Tilbodet vil vere for grupper på opptil 8 elevar i 60-70 minutt. Undervisningsstad er Velle skule
Hovudvekt på teikning og måling, med innslag av andre teknikkar.
BABYSONG
Tilbod for dei aller yngste (0-1 år). Kurs på 10 veker pr. semester. Pris: kr. 800,-
(Ta kontakt om det er behov for tilbod til eldre born.)
KORTE KURS
Korte kurs kan verte starta opp ved interesse/tilstrekkjeleg påmelding.
Aktuelle kurs som er mogleg å velge i søknadsskjema er:
- gitarkurs for vaksne
- oppfriskingskurs for blåsarar
- digital musikkproduksjon
KULTURKARUSELL
Song- og musikkleik, med innslag av andre uttrykksformer. Tilbodet vil vere for grupper på 6-10 elevar i 45-60 min., for born i alderen 3-6 år. (30 gongar pr år, kr. 2880,-)
SAMSPEL OG ORKESTER
Vi har fleire samspelsopplegg i løpet av året, både større og mindre, som elevane får tilbod om å delta i.
Stryk- og blåselevar kan frå ungdomsskulealder få tilbod om å spele i Sunnmøre ungdomssymfoniorkester (SUS).
Blåselevar får tilbod om å spele i korps.
SKULEÅRET
Undervisning ein gong pr. veke i 36 veker. I tillegg vert to veker nytta til konsertar. I perioder fram mot konsertane kan det verte endringar i timeplan i samband med ulike samspelskonstellasjonar. Får eleven undervisning mindre enn 33 gongar, vert elevavgifta redusert.
ELEVAVGIFT OG MODERASJON
Sjå www.orsta.kommune.no/prisar-avgifter-og-gebyr/kulturskule-pris/
INSTRUMENT
Instrumentalelevane må sjølve syte for å eige/leige instrument. Kulturskulen har nokre blåse- og strykeinstrument til utleige. Instrumentleiga er kr. 500 pr. år. Korpsa leiger ut instrument til sine medlemmer.
UNDERVISNINGSSTAD
Kulturskulen har lokale på Kaihuset i Ørsta sentrum, og undervisning går hovudsakleg føre seg der.
Det må vere eit visst elevgrunnlag for at undervisning skal kome i gang, dersom læraren må reise til undervisningsstaden (Vartdal og Sæbø).
Til undervisning i visuell kunst disponerer vi lokale på Velle skule.
SKULEÅRET
Kulturskulen følgjer skuleruta til grunnskulen, om ikkje anna er avtalt mellom lærar og elev.
SPEEDADMIN
Ørsta kulturskule nyttar systemet SpeedAdmin til registrering av elevar, timeplanar kommunikasjon med elevar og føresette osb.
Elevar og føresette får brukarkonto i SpeedAdmin, der ein kan logge inn og mellom anna sjå timeplanen, frammøtehistorikk, kontaktinfo til lærar og meir.
Det er også her ein gjer påmelding, og reregistrering for neste skuleår om våren.
NB! Hjå nokre havnar e-post som er sendt ut frå SpeedAdmin i søppelpost.
MELDING OM FRÅVER
Gje beskjed, helst melding direkte til læraren din, om du ikkje kan møte til time. Du finn kontaktinfo i SpeedAdmin.